ბიზნესომბუდსმენის აპარატის ლიკვიდაციის შემდეგ, მოქმედი ბიზნესომბუდსმენი ოთარ დანელია ეკონომიკის მინისტრის მრჩევლად დაინიშნება და ბიზნესომბუდსმენის მოვალეობას შეასრულებს.
კანონპროექტის განმარტებით ბარათის მიხედვით, დანელია თანამდებობას 2026 წლის 1 იანვრიდან დაიკავებს.
"2025 წლის 31 დეკემბერს თანამდებობაზე მყოფი ბიზნესომბუდსმენი 2026 წლის 1 იანვრიდან მიღებულ იქნეს საქართველოს ეკონომიკისა და მდგრადი განვითარების მინისტრის მრჩევლად და შეასრულოს ბიზნესომბუდსმენის უფლებამოსილება. 2026 წლის 1 იანვრიდან თანამდებობებიდან გათავისუფლდნენ ბიზნესომბუდსმენი და მისი მოადგილეები და მიეცეთ კომპენსაცია 3 თვის თანამდებობრივი სარგოს ოდენობით.
საქართველოს კანონმდებლობით დადგენილი წესით 2026 წლის 1 იანვრიდან ლიკვიდირებულ იქნეს საქართველოს ბიზნესომბუდსმენის აპარატი. ლიკვიდაციის შედეგად საქართველოს ბიზნესომბუდსმენის აპარატიდან გათავისუფლებულ თანამშრომლებს მიეცეთ კომპენსაცია 3 თვის თანამდებობრივი სარგოს ოდენობით.
საქართველოს მთავრობამ უზრუნველყოს საქართველოს ბიზნესომბუდსმენის აპარატის ბალანსზე რიცხული ქონების, მატერიალურ-ტექნიკური ბაზისა და აპარატის კუთვნილი დოკუმენტაციის 2026 წლის 1 იანვრიდან განკარგვისთვის საჭირო ღონისძიებების განხორციელება. ამ პუნქტით გათვალისწინებული ღონისძიებების განხორციელების წესს ადგენს საქართველოს მთავრობა." - ნათქვამია კანონპროექტში.
შეგახსენებთ, 1 აგვისტოდან მრჩევლების თანამდებობა ანაზღაურებადი აღარ არის.
დანელია ბიზნესომბუდსმენად 2022 წელს დაინიშნა.
ოთარ დანელიას ბიოგრაფია:
2021 - 2022 - საქართველოს ეკონომიკისა და მდგრადი განვითარების სამინისტრო - მინისტრის პირველი მოადგილე
2021 - 2022 - საქართველოს ეკონომიკისა და მდგრადი განვითარების სამინისტროს, სსიპ მინერალური რესურსების ეროვნული სააგენტოს უფროსი
2016-2020 - საქართველოს პარლამენტის დეპუტატი ქართული ოცნებიდან.
2014-2016 - სოფლის მეურნეობის მინისტრი
2014 - სოფლის მეურნეობის მინისტრის პირველი მოადგილე
2014 - საქართველოს შინაგან საქმეთა სამინისტროს მომსახურების სააგენტოს დირექტორი
2013 - 2014 - საქართველოს შინაგან საქმეთა სამინისტროს საფინანსო და ლოჯისტიკური დეპარტამენტის უფროსის მოადგე
