იტალიის თავდაცვის მინისტრმა გვიდო კროსეტომ გამოცემა La Repubblica-სთან საუბრისას განაცხადა, რომ იტალია უკრაინისთვის, სავარაუდოდ, სამხედრო დახმარების მე-12 პაკეტს გაამზადებს, რომელსაც მალევე წარადგენენ.
"რაც შეეხება უკრაინას, ჩვენი პოზიცია უცვლელია. ჩვენ ვაგრძელებთ კიევის დახმარებას ყველაფრით, რითაც შეგვიძლია. სავარაუდოდ, დიახ, ჩვენ მოვამზადებთ ახალ პაკეტს, რომელსაც მალევე იმავე ფორმატში წარვადგენ," აღნიშნა კროსეტომ.
"რაც შეეხება გერმანიის მიერ გაგზავნილ Patriot-ის სისტემებს, ამ ქვეყანას ეს იარაღი აქვს და შეუძლია მისი გაგზავნა. ჩვენ კი გავგზავნეთ ყველაფერი, რაც გვქონდა. დახმარება საიდუმლოდ ინახება, რათა იტალიის თავდაცვისუნარიანობა არ დასუსტდეს," თქვა იტალიის თავდაცვის მინისტრმა.
