თავისთავად ის სურათი, რომ ამ რეჟიმისვე განაცხადით და ვერსიით, მთელი ამ წლების განმავლობაში ქვეყანას მართავდა კორუმპირებული, ორგანიზებულ დანაშაულთან შერწყმული, მოღალატეების გუნდი. ანუ მთელი ივანიშვილის რეჟიმის საქმიანობა არის თვალნათელი მათივე ვერსიით. აქედან გამომდინარე, ადამიანი, რომელიც ასეთი ხალხით მართავდა ქვეყანას არ შეიძლება, დარჩეს ხელისუფლების სათავეში, ეს არის კატასტროფა მთელი ჩვენი ქვეყნისთვის, ყველა მოქალაქისთვის, განურჩევლად მათი დღევანდელი პოლიტიკური სიმპათიებისა. ეს არის რისი გააზრების გავრცელებაც მოხდება საზოგადოებაში, რომ არ შეიძლება ხელისუფლებაში იყოს კაცი, რომელიც, როგორც ცუდი პატრონი შინაურ ცხოველებს, ისე ექცევა საკუთარ ქვეყანას. უტიფრად თვითონ უგონებენ, რომ კი, ქურდები, კორუმპირებულები და კრიმინალები მყავდა დანიშნული ქვეყნის მმართველებად, ეს რეჟიმი უნდა დასრულდეს და უნდა დაიწყოს ქვეყნის ამ ჭაობიდან ამოსვლა. ეს არ იქნება მარტივი პროცესი, რეპრესიები გაღრმავდება, ამას ვხედავთ დღეს და დავინახავთ სამწუხაროდ მომავალშიც. საბოლოო ჯამში, ქართული საზოგადოების ნებას ვერ გაუძლებს ეს რეჟიმი, ოღონდ ყველას გვჭირდება ამ ნების ხელში დაჭერა და გზავნილის გავრცელება, რათა პროტესტი გაფართოვდეს.
ყოფილი მაღალჩინოსნების საქმე
ბოკერია: რეჟიმისვე ვერსიით, ამ წლების განმავლობაში ქვეყანას მართავდა მოღალატეების გუნდი
