საქართველოს ეროვნული ბანკის მონაცემებით, 2025 წლის სექტემბერში ქვეყანაში შემოსული ფულადი გზავნილების ნაკადების მოცულობამ 317.79 მილიონი აშშ დოლარი (860.2 მილიონი ლარი) შეადგინა, რაც 12.1%-ით (34.4 მილიონი აშშ დოლარი) მეტია 2024 წლის სექტემბრის ანალოგიურ მაჩვენებელზე.
გასული 11 თვის მსგავსად, სექტემბერშიც ყველაზე მეტი (ჯამური ჩარიცხვების 18.78%) ფულადი გზავნილი ამერიკის შეერთებული შტატებიდან შემოვიდა - 59.68 მილიონი დოლარი, რაც 21.71%-ით მეტია 2024 წლის სექტემბერთან შედარებით. მეორე ადგილზე ისევ იტალიაა (17.01%), საიდანაც გასულ თვეში 54.06 მილიონი დოლარი გადმოირიცხა - ეს წინა წელთან შედარებით 8.99%-იანი მატებაა.
მესამე ადგილზეა რუსეთი (12.43%) 39.49 მილიონი აშშ დოლარით, რაც 2024 წლის სექტემბერთან შედარებით 10.23%-იანი კლებაა.
ქვეყნები, საიდანაც გასულ თვეს საქართველოში ყველაზე მეტი თანხა გადმოირიცხა:
- აშშ - $59.68 მილიონი.
- იტალია - $54.06 მილიონი.
- რუსეთის ფედერაცია - $39.49 მილიონი.
- გერმანია - $29.8 მილიონი.
- საბერძნეთი - $26.01 მილიონი.
- ისრაელი - $23.25 მილიონი.
- თურქეთი - $10.27 მილიონი.
- ყირგიზეთი - $8.62 მილიონი.
- ესპანეთი - $7.68 მილიონი.
- ყაზახეთი - $7.59 მილიონი.
- ირლანდია - $6.16 მილიონი.
- საფრანგეთი - $6.1 მილიონი.
- გაერთიანებული სამეფო - $5.92 მილიონი.
- აზერბაიჯანი - $3.4 მილიონი.
- პოლონეთი - $3.01 მილიონი
სებ-ის ცნობითვე, 2025 წლის სექტემბერში საქართველოდან საზღვარგარეთ 38.2 მილიონი აშშ დოლარი (103.5 მილიონი ლარი) გადაიგზავნა, რაც 2024 წლის სექტემბრის ანალოგიურ მაჩვენებელთან შედარებით 12.7%-ით მეტია.
