საქართველოს ეროვნული ბანკის მონაცემებით, 2025 წლის აპრილში ქვეყანაში შემოსული ფულადი გზავნილების ნაკადების მოცულობამ 295.54 მლნ აშშ დოლარი (814 მლნ ლარი) შეადგინა, რაც 6.1%-ით მეტია 2024 წლის აპრილის ანალოგიურ მაჩვენებელზე.
გასული ექვსი თვის მსგავსად, აპრილშიც ყველაზე მეტი (ჯამური ჩარიცხვების 18.27%) ფულადი გზავნილი ამერიკის შეერთებული შტატებიდან შემოვიდა - 53.99 მილიონი დოლარი, რაც 16.58%-ით მეტია 2024 წლის აპრილთან შედარებით. მეორე ადგილზე ისევ იტალიაა (16.99%), საიდანაც გასულ თვეში 50.21 მილიონი დოლარი გადმოირიცხა - ეს წინა წელთან შედარებით 9.62%-იანი მატებაა.
მესამე ადგილზეა რუსეთი (13.49%) 39.87 მილიონი აშშ დოლარით, რაც 2024 წლის აპრილთან შედარებით 18.85%-იანი კლებაა.
ქვეყნები, საიდანაც გასულ თვეს საქართველოში ყველაზე მეტი თანხა გადმოირიცხა:
- აშშ - $53.99 მლნ;
- იტალია - $50.21 მლნ;
- რუსეთის ფედერაცია - $39.87 მლნ;
- გერმანია - $24.84 მლნ;
- საბერძნეთი - $24.62 მლნ;
- ისრაელი - $22.17 მლნ;
- თურქეთი - $8.60 მლნ;
- ესპანეთი - $7.86 მლნ;
- ყირგიზეთი - $7.75 მლნ;
- ყაზახეთი - $7.16 მლნ;
- ირლანდია - $5.77 მლნ;
- საფრანგეთი - $5.48 მლნ;
- გაერთიანებული სამეფო - $4.31 მლნ;
- აზერბაიჯანი - $3.98 მლნ;
- პოლონეთი - $2.86 მლნ;
