აჭარის პოლიციის დეპარტამენტის ყოფილი დირექტორი, გრიგოლ ბესელია ცენტრალური კრიმინალური პოლიციის დეპარტამენტის დირექტორის, თეიმურაზ კუპატაძის მოადგილედ დაინიშნა - ინფორმაციას ტაბულას შსს-ში უდასტურებენ.
ბესელიამ აჭარის ავტონომიური რესპუბლიკის პოლიციის დეპარტამენტის დირექტორის თანამდებობა 4 აპრილს დატოვა. მის ნაცვლად გიორგი ბუხრაშვილი დაინიშნა.
ბესელია ლიტვის მიერ სანქცირებული მაღალჩინოსანია.
შეგახსენებთ, რომ გრიგოლ ბესელია 28 აპრილს მზია ამაღლობელის სასამართლო პროცესზე ბათუმის საქალაქო სასამართლოში მოწმის სახით გამოიკითხა.
