გაერთიანებულ სამეფოში ორი ანტიისრაელელი და პროპალესტინელი დემონსტრანტი დააკავეს მას შემდეგ, რაც მათ წითელი საღებავის ფხვნილი ისროლეს ტაუერის ხიდზე, რომელიც რიგით 45-ე ლონდონის მარათონისთვის იყო გადაკეტილი.
პოლიციის ცნობით, აქტივისტები საზოგადოებრივი წესრიგის დარღვევის ეჭვზე დააკავეს და ისინი კვლავ პატიმრობაში იმყოფებიან.
პოლიტიკურმა და ეკოაქტივისტურმა ჯგუფმა Youth Demand-მა გაავრცელა, რომელიც ბრიტანეთის მთავრობისგან ითხოვს, რომ ისრაელთან ყველა სახის ვაჭრობა შეწყდეს ღაზის სექტორში ჰამასის წინააღმდეგ მიმდინარე ომის ფონზე.
გავრცელებულ ვიდეოში ორი პირი ბარიერს ახტება, გადაკეტილ ქუჩაზე გადმოდის და ჰაერში წითელი საღებავის ფხვნილს ისვრის. ორივე მათგანს მაისურები ეცვათ, წარწერით: "Youth Demand: შეწყდეს ისრაელისთვის შეიარაღების მიწოდება".
ანტიისრაელელი აქტივისტები მალევე ადგილზე მყოფმა პოლიციელებმა დააკავეს, ხოლო მარათონმა, რომელშიც 56 000-ზე მეტი მონაწილე იღებდა მონაწილეობას, შეუფერხებლად ჩაიარა.
კაცების რბოლაში კენიელმა სებასტიან სავემ გაიმარჯვა, რომელმაც დაახლოებით 42-კილომეტრიანი მარათონი 2 საათში, 2 წუთსა და 27 წამში დაამთავრა, ხოლო ქალების რბოლაში ეთიოპიელმა ტიფსტ ასეფამ რეკორდი დაამყარა და მარათონი 2 საათში, 15 წუთსა და 50 წამში დაამთავრა.
