სტატისტიკის ეროვნული სამსახურის ინფორმაციით, 2025 წლის მარტში, წინა თვესთან შედარებით, ინფლაციის დონე 0.4%-ით გაიზარდა, ხოლო წლიური ინფლაციის დონემ საქართველოში 3.5% შეადგინა.
საქსტატის ინფორმაციით, წინა წელთან შედარებით სურსათსა და უალკოჰოლო სასმელზე ფასი 6.6%-ით გაიზარდა. ფასები მომატებულია ქვეჯგუფებზე:
- ბოსტნეული და ბაღჩეული (+21.3%)
- ზეთი და ცხიმი (+16.4%)
- ყავა, ჩაი, კაკაო - (+14.4%)
- შაქარი, ჯემი და სხვა ტკბილეული (+10.8%)
- მინერალური და წყაროს წყალი, უალკოჰოლო სასმელები და ნატურალური წვენები (+7.8%)
- პური და პურპროდუქტები +5.2%)
- თევზეული (+3.5%)
- რძე, ყველი, კვერცხი (+2.8%)
- ხორცი და ხორცის პროდუქტები +1.4%)
ასევე, საქსტატი წერს, რომ ხილსა და ყურძენზე ფასი 3.3%-ით გაძვირდა.
საქსტატის ცნობითვე, წინა წელთან შედარებით, ალკოჰოლურ სასმელებსა და თამბაქოზე ფასი - 4.2%-ით გაიზარდა. განათლება 4.9%-ით გაძვირდა, სასტუმროები, კაფეები და რესტორნები 6.6%-ით, ჯანდაცვა - 8.8%-ით, დასვენება/გართობა/კულტურა - 0.5%-ით, საცხოვრებელი, წყალი, ელ.ენერგია, აირი - 1.1%-ით, ტანსაცმელი და ფეხსაცმელი - 1.5%-ით.
ერთ წელში ფასი ყველაზე მეტად კავშირგაბმულობაზე შემცირდა - 12.4%-ით. ავეჯი/საოჯახო ნივთები/სახლის მოვლა 2.1%-ით გაიაფდა, ტრანსპორტი - 0.5%-ით.
