შვედეთის მთავრობამ ცივი ომის შემდეგ ქვეყნის ყველაზე მასშტაბური სამხედრო შეიარაღების გეგმა გამოაცხადა, რომლის მიზანიც ევროპაში შეცვლილი უსაფრთხოების გარემოს ფონზე ეროვნული თავდაცვის გაძლიერებაა.
"შვედეთის თავდაცვის ბიუჯეტი უკვე აჭარბებს NATO-ს 2%-იან მიზნობრივ მაჩვენებელს, მაგრამ ეს საკმარისი არ არის. ჩვენი მიზანია, რომ ჰააგის ნატოს სამიტზე უფრო მაღალი მიზნის დაისახოს და ამისთვის ჩვენ ჩვენს წვლილს ვაკეთებთ" - წერია შვედეთის პრემიერმინისტრის განცხადებაში .
განცხადების მიხედვით, შვედეთი და ევროპა სრულიად ახალი უსაფრთხოების გარემოს წინაშე დგანან.
ახალი სტრატეგიის თანახმად, შვედეთი 2030 წლისთვის თავდაცვის ბიუჯეტს მშპ-ის 3.5%-მდე გაზრდის, რაც არსებულ დონესთან შედარებით მნიშვნელოვანი ზრდაა. გეგმა დაახლოებით 300 მილიარდი შვედური კრონის ($28 მილიარდი) ოდენობის სესხით დაფინანსებულ ინვესტიციას მოიცავს.
