თქვენ მოუსმინეთ გუშინ აშშ-ის სახელმწიფო მდივანს, როდესაც პირველად, ოფიციალურად და ამ დონეზე ითქვა, რომ ეს ომი, სინამდვილეში არის პროქსი ომი, ანუ მარიონეტის ხელით წარმოებული ომი ამერიკასა და რუსეთს შორის - ეს თქვა სახელმწიფო მდივანმა რუბიომ.
ჩვენთანაც უნდოდათ ვიღაცებს, რომ პროქსები ვყოფილიყავით, მათ შორის იმ ქვეყნებს, ვინც ცდილობენ, რომ საქართველოს კანონიერი ხელისუფლება შეცვალონ, მოიყვანონ თავისი მარტიონეტები, რომლებიც მათ ჭკუაზე დადიოდნენ სააკაშვილის დროს.
ეტყოდნენ, რომ “გაამწვავე”, გაამწვავებდნენ მდგომარეობას რუსეთთან და ხან რა რიტორიკით მიმართავდნენ და ამ დღეებში ვნახეთ ოვალურ კაბინეტში რიტორიკას თურმე რა მნიშვნელობა ჰქონია საერთაშორისო პოლიტიკაში - ახლა მაინც ხო მიხვდა და დაინახა ყველამ პირდაპირ ეთერში, რომ რა შეიძლება გამოიწვიოს არასწორად შერჩეულმა რიტორიკამ და ა.შ.
ზუსტად ამას ცდილობდნენ, რომ ჩვენ 3 წლის წინ ვყოფილიყავით ზუსტად ის პროქსები, რომლებსაც ინსტრუმენტად გამოიყენებდნენ რუსეთის წინააღმდეგ.
არავის არ ადარდებდა არც მაშინ ქართველი ხალხის ბედი, არც ახლა - ვითომ საქართველოს დემოკრატიაზე რომ ზრუნავენ ის პოლიტიკური ჯგუფები, რომლებიც კანონიერი ხელისუფლების შეცვლას ცდილობენ.
ბოლო ქართველამდე იბრძოლებდნენ, ოღონდ საკუთარი ინტერესი გაეტარებინათ.
