არიზონაში, მარანას რეგიონულ აეროპორტთან 2 მცირე ზომის თვითმფრინავი ერთმანეთს ჰაერში შეეჯახა, რის შედეგადაც ერთ-ერთის ბორტზე მყოფი 2 ადამიანი დაიღუპა.
ორივე თვითმფრინავზე 2-2 ადამიანი იმყოფებოდა.
შეჯახების შემდეგ ერთ-ერთი თვითმფრინავი მიწაზე მშვიდობიანად დაეშვა, თუმცა მეორე ასაფრენ ბილიკზე ჩამოვარდა და დაიწვა. დაღუპულებიც სწორედ მეორე თვითმფრინავში იმყოფებოდნენ.
შეჯახება ადგილობრივი დროით 8:30 საათზე მოხდა.
ABC News-ის ცნობით, მარანას რეგიონული აეროპორტი, საიდანაც თვითმფრინავები აფრინდნენ, არ კონტროლდება აშშ-ს საჰაერო მოძრაობის მართვის სამსახურის მიერ. ამ აეროპორტში ოპერირებისას მეთაური პილოტია პასუხისმგებელი სხვა თვითმფრინავებისგან უსაფრთხო დისტანციის შენარჩუნებაზე.
საქმეზე FBI-ს გამოძიება უკვე დაწყებული აქვს.
