საგარეო და უსაფრთხოების პოლიტიკის საკითხებში ევროკავშირის მთავარი სპიკერის, ანიტა ჰიპერის თქმით, ევროკავშირი მშვიდობიანი პროტესტის მონაწილეების წინააღმდეგ განხორციელებულ რეპრესიებს გმობს. ამის შესახებ მან X-ზე დაწერა.
"ევროკავშირი გმობს გასულ შაბათ-კვირას ბათუმსა და თბილისში მშვიდობიანი პროტესტის მონაწილეების წინააღმდეგ განხორციელებულ რეპრესიებს, მათ შორის, ჟურნალისტებისა და აქტივისტების დაკავებებს.
უსამართლოდ დაკავებულები უნდა გათავისუფლდნენ და ამ უკანონო ქმედებებში ჩართულმა თანამდებობის პირებმა პასუხი უნდა აგონ". - წერს ჰიპერი.
