ოკუპირებული აფხაზეთის გალის რაიონის სოფელ საბერიოში კერძო სახლში, რომელშიც ჭოლარიების ოჯახი ცხოვრობდა, ხანძარი გაჩნდა, რის შედეგადაც 5 მცირეწლოვანი დაიღუპა.
როგორც აფხაზური ტელეგრამ არხი "აიაშარა" იუწყება, ბავშვებიდან ყველაზე პატარა ოთხი თვის იყო.
ტრაგედიის ადგილზე რაიონის გამგებელი კონსტანტინე ფილია მივიდა.
რადიო თავისუფლებას ადგილობრივი მცხოვრებლები სატელეფონო საუბარში უყვებიან, რომ შემთხვევა 5 იანვარს დილით, მრავალშვილიან ოჯახში მოხდა. მოზარდები სახლში ბებიასთან ერთად იყვნენ, რომელიც ხანძარს გადაურჩა.
