აშშ-მ უკრაინისთვის დამატებით 2.5 მილიარდი დოლარის ღირებულების სამხედრო დახმარება გამოაცხადა.
დახმარების პაკეტში $1.25 მილიარდი ღირებულების დახმარება უკრაინას საპრეზიდენტო შემცირების უფლებამოსილების (PDA) მეშვეობით გადაეცემა, რაც ნიშნავს, რომ შეიარაღება აშშ-ს იარაღის მარაგებიდან გამოიყოფა და უკრაინას უფრო სწრაფად გადაეცემა. შედარებით ნაკლებად სწრაფად, აშშ უკრაინის უსაფრთხოების დახმარების ინიციატივით (USAI) უკრაინას $1.22 მილიარდის ღირებულების დახმარებას გაუწევს.
თეთრი სახლის განცხადებაში აღნიშნულია, რომ დამატებითი პაკეტი უკრაინას მიაწვდის როგორც საბრძოლო საშუალებების მყისიერ ნაკადს, ისევე საჰაერო თავდაცვის, არტილერიისა და სხვა კრიტიკული შეიარაღების სისტემების გრძელვადიან მარაგებს.
"მას შემდეგ, რაც 2022 წლის თებერვალში რუსეთმა უკრაინაზე დამატებითი თავდასხმა დაიწყო, აშშ-მ უკრაინელი ხალხის გვერდით დასადგომად შეკრიბა მსოფლიო. ჩემს უმაღლეს პრიორიტეტს წარმოადგენდა, მიმეწოდებინა უკრაინისთვის ის დახმარება, რომელიც გასამარჯვებლად სჭირდება. დღევანდელი განცხადება, რომელიც მოიცავს უკრაინის ჯარისთვის დამატებით $1.25 მილიარდის ღირებულების პაკეტს საპრეზიდენტო შემცირების უფლებამოსილების ფარგლებში და $1.22 მილიარდის ღირებულების პაკეტს უკრაინის უსაფრთხოების დახმარების ინიციატივით (USAI), ამ ძალისხმევაზე არის დაშენებული და უკრაინას მიაწვდის, როგორც საშუალებების მყისიერ ნაკადს, რომლის გამოყენებასაც დიდი შედეგით აგრძელებს საბრძოლო ველზე, ისევე საჰაერო თავდაცვის, არტილერიისა და სხვა კრიტიკული შეიარაღების სისტემების გრძელვადიან მარაგებს". - წერია განცხადებაში.
თეთრი სახლის განცხადებაში აღნიშნულია, რომ აშშ-ს პრეზიდენტის, ჯო ბაიდენის პირობის შესაბამისად, თავდაცვის დეპარტამენტმა კონგრესის მიერ გამოყოფილი USAI-ს დარჩენილი ფინანსები სრულად გაანაწილა. ბაიდენის თქმით, უკრაინის სამხედრო მხარდაჭერას თავისი ვადის ამოწურვამდე გააგრძელებს.
განცხადებაში ასევე ნათქვამია, რომ აშშ უკრაინას ამჟამად ასი ათასობით საარტილერიო ჭურვს, ათასობით რაკეტას და ასობით ჯავშანტექნიკას აწვდის.
"ჩემი ადმინისტრაცია სრულად იყენებს კონგრესის მიერ გამოყოფილ დაფინანსებას, რათა უკრაინისთვის აშშ-ს შეიარაღების შემცირებას სრულად დაუჭიროს მხარი. ჩემს ადმინისტრაციას მივუთითე, რომ უკრაინისთვის რაც შეიძლება მეტი დახმარების ზრდა რაც შეიძლება სწრაფად გააგრძელოს, მათ შორის უკრაინისთვის აშშ-ს ძველი აღჭურვილობის შემცირებით, საბრძოლო ველზე მისი სასწრაფო მიწოდებით და შემდგომ მოდერნიზებისთვისა და ჩვენი მარაგების ახალი იარაღებით შევსებისთვის აშშ-ს თავდაცვითი-ინდუსტრიული ბაზის გამოცოცხლებით.
თავდაცვის დეპარტამენტი ამჟამად ასი ათასობით საარტილერიო ჭურვის, ათასობით რაკეტისა და ასობით ჯავშანტექნიკის მიწოდების პროცესშია, რომლებიც უკრაინის შესაძლებლობებს ზამთრისთვის გააძლიერებს. ჩემი ხელმძღვანელობით, აშშ გააგრძელებს ამ ომში უკრაინის პოზიციის გაძლიერებას ოფისში ჩემი დარჩენილი დროის განმავლობაში". - წერია განცხადებაში.
