ისრაელის ცენტრალურ ნაწილში იემენელი ჰუსიტების მიერ გასროლილი რაკეტის ფრაგმენტები აღმოაჩინეს. რაკეტა გასული ღამის განმავლობაში ისრაელის საჰაერო თავდაცვის სისტემებმა გაანეიტრალეს.
როგორც გამოცემა Times of Israel წერს, ერთ-ერთი ფრაგმენტი, რომელიც ქალაქ ბეერ-იაკოვში მდებარე საცხოვრებელი სახლის ეზოში იპოვეს, 1 მეტრზე მეტი სიგრძისაა.
ადგილობრივი სამართალდამცველების თქმით, რაკეტის ფრაგმენტები, სულ მცირე, 3 ადგილას აღმოაჩინეს.
გამოცემა აღნიშნავს, რომ ირანის მიერ მხარდაჭერილი იემენელი ჰუსიტების დაჯგუფება ისრაელის ცენტალური ნაწილის მიმართულებით ბალისტიკურ რაკეტებს უკვე მეორე ღამეა ისვრის, რაც თითქმის ყოველდღიური მოვლენა გახდა.
