7 დეკემბერს დაკავებულ ექიმ გიორგი ახობაძეს თბილისის საქალაქო სასამართლომ აღკვეთის ღონისძიების სახით 2 თვით წინასწარი პატიმრობა შეუფარდა.
ახობაძეს ბრალდების მხარე ნარკოტიკების უკანონო შეძენა-შენახვას ედავება. მას ბრალი სისხლის სამართლის კოდექსის 260-ე მუხლის მე-6 ნაწილით წარედგინა.
ბრალის დამტკიცების შემთხვევაში, ახობაძეს 8-დან 20 წლამდე ან უვადო თავისუფლების აღკვეთა ემუქრება.
ახობაძე 7 დეკემბრის საპროტესტო აქციიდან სახლში მიდიოდა, როცა იგი პოლიციამ დააკავა და ფიზიკურად გაუსწორდა. მამაკაცის ადვოკატი ამბობს, რომ პოლიციამ ნარკოტიკული საშუალებები "ჩაუდო".
არსებული ინფორმაციით, ახობაძე ბრალს არ აღიარებს და პროტესტის ნიშნად შიმშილობს.