სარემონტო მასალების კომპანია გორგია განცხადებას ავრცელებს, რომელშიც წერს, რომ "გარკვეული პროდუქციის რეალიზაცია" შეეზღუდათ, ამ პროდუქციის დასაბრუნებლად კი აქტიურად მუშაობდნენ და მათთვის მნიშვნელოვანია, "რომ ეს პროდუქტი გახდეს ისევ ყველასთვის ხელმისაწვდომი".
გორგია ასევე წერს, რომ ევროკავშირში ინტეგრაცია ერთადერთ განვითარების გზად ესახებათ და თითოეული მომხმარებლის უსაფრთხოება მათთვის "ყველაფერზე მნიშვნელოვანია.
გასული კვირის ბოლოს, როგორც ცალკეულ მაღაზიებს, მათ შორის ჩვენც, შეგვეზღუდა გარკვეული პროდუქციის რეალიზაცია.
მარკეტებმა პროდუქცია გადაიტანეს საწყობებში თანამშრომლებისთვის თვალსაჩინო ადგილზე. ამასთანავე, აქტიურად ვმუშაობდით პროდუქციის თაროებზე დასაბრუნებლად, რადგან ჩვენთვის მნიშვნელოვანია, რომ ეს პროდუქცია გახდეს ისევ ყველასათვის ხელმისაწვდომი.
ყველაზე უკეთ, სწორედ თქვენ, ჩვენმა მომხმარებლებმა იცით, რომ ერთადერთ, უპირობო, განვითარების გზად სწორედ ევროკავშირი მიგვაჩნია.
ხოლო, თავისუფალი აზრის გამოხატვის გზაზე, თითოეული თქვენგანის უსაფრთხოება ჩვენთვის ყველაფერზე მნიშვნელოვანია.
