სტატისტიკის ეროვნული სამსახურის ინფორმაციით, 2024 წლის ნოემბერში, წინა თვესთან შედარებით, ინფლაციის დონე 0.7%-ით გაიზარდა, ხოლო წლიური ინფლაციის დონემ საქართველოში 1.3% შეადგინა.
საქსტატის ინფორმაციით, წინა წელთან შედარებით სურსათსა და უალკოჰოლო სასმელზე ფასი 3.1%-ით გაიზარდა. ფასები მომატებულია ქვეჯგუფებზე:
- ბოსტნეული და ბაღჩეული (+15.5%)
- ყავა, ჩაი, კაკაო - (+7.8%)
- შაქარი, ჯემი და სხვა ტკბილეული (+7%)
- მინერალური და წყაროს წყალი, უალკოჰოლო სასმელები და ნატურალური წვენები (+6.1%)
- ზეთი და ცხიმი (+5%)
- ხილი და ყურძენი (+3.6%)
- თევზეული (+1.3%)
- პური და პურპროდუქტები (+0.9%).
- ხორცი და ხორცის პროდუქტები (+0.5%);
ამასთან, ფასები 1.5%-ით შემცირდა რძის, ყველის და კვერცხის ქვეჯგუფზე.
საქსტატის ცნობითვე, წინა წელთან შედარებით, ალკოჰოლურ სასმელებსა და თამბაქოზე ფასი - 5.1%-ით გაიზარდა. განათლება 4.9%-ით გაძვირდა, სასტუმროები, კაფეები და რესტორნები 7.1%-ით, ხოლო ჯანდაცვა - 2.1%-ით.
ერთ წელში ფასი ყველაზე მეტად კავშირგაბმულობაზე შემცირდა - 12.9%-ით. ტანსაცმელი და ფეხსაცმელი 0.5%-ით გაიაფდა, საცხოვრებელი, წყალი, ელ.ენერგია და აირი - 3.7%-ით, ავეჯი/საოჯახო ნივთები/სახლის მოვლა 0.6%-ით, ტრანსპორტი კი - 2.1%-ით.
