რუსეთმა უკრაინაზე საჰაერო იერიშის დროს, სხვადასხვა ტიპის რაკეტებთან ერთად, კონტინენტთაშორისი ბალისტიკურ რაკეტა პირველად გამოიყენა.
უკრაინის საჰაერო ძალების ცნობით, რუსეთმა იერიშის დროს კონტინენტთაშორისი ბალისტიკური რაკეტა РС-26 Рубеж, შვიდი Х-101-ის ტიპის ფრთოსანი რაკეტა და Х-47М2 Кинжал-ის ტიპის აერობალისტიკური რაკეტა გამოიყენეს. მათივე ცნობით, საჰაერო იერიში ასტრახანის ოლქიდან განხორციელდა.
რაკეტების სამიზნე ქალაქ დნეპრში მდებარე საწარმოები და კრიტიკული ინფრასტრუქტურა იყო. უკრაინის საჰაერო ძალებმა, ექვსი ფრთოსანი რაკეტის ჩამოგდება შეძლეს.
CNN-ის ცნობით, კონტინენტთაშორისი ბალისტიკურ რაკეტას საშუალოდ 5 000 კილომეტრის დაფარვა შეუძლია, ზოგიერთ მათგანი კი 9 000 კილომეტრზეც აღწევს.
20 ნოემბერს უკრაინამ პირველად გამოიყენა Storm Shadow ტიპის ფრთოსანი რაკეტები რუსეთის სიღრმეში, კურსკის რეგიონში. 19 ნოემბერს კი 19 ნოემბერს უკრაინამ ამერიკული ATACMS-ის ტიპის რაკეტებით რუსეთის ტერიტორიის სიღრმეში, ბრიანსკში მდებარე სამხედრო ობიექტი დაბომბა.
