პაპუაშვილი: ცალკეული ძალები ევროკავშირის ინსტიტუტებს ივანიშვილზე თავდასხმისთვის იყენებენ

რეზოლუცია, რომელსაც ევროპარლამენტი დღეს მიიღებს, ჩვენს ამ შეგუებულ იმედგაცრუებასაც მნიშვნელოვნად სცდება და როგორც სულისკვეთებით, ისე მისი შინაარსით, საქართველოში ევროკავშირის ელჩის სიტყვები რომ გამოვიყენო - აღმაშფოთებელი, სამარცხვინო და ამაზრზენია.

აღმაშფოთებელია რეზოლუციის ის ჩანაწერი, რომელშიც მოთხოვნილია ბიძინა ივანიშვილისთვის სანქციის დაწესება - ეს ევროპარლამენტის უკვე მესამე რეზოლუციაა, რომლითაც ცალკეული ძალები ევროკავშირის ოფიციალურ ინსტიტუტებს ბიძინა ივანიშვილზე თავდასხმისთვის და პირადი, პოლიტიკური ანგარიშსწორებისთვის იყენებენ.

ადამიანზე, რომლის წვლილიც განმსაზღვრელია იმაში, რომ მუდმივად ომის ქარცეცხლში გახვეული საქართველო, უკვე წლებია ინარჩუნებს მშვიდობას და არ გახდა გეოპოლიტიკური დაპირისპირების ადგილი.

სამარცხვინოა რეზოლუციის ჩანაწერი მიხეილ სააკაშვილზე, რომლითაც ევროკავშირის ოფიციალური ინსტიტუცია, უკვე მერამდენედ, უკანონო ზეწოლით ცდილობს მიხელ სააკაშვილის სამართიანი სასჯელისგან დახსნას - იმ ევროპარლამენტარებს, რომლებისთვის ამ რეზოლუციის მხარდაჭერა მხოლოდ სტატისტიკაა, შევახსენებ, რომ საუბარია ადამიანზე, რომელმაც უფლებათა ევროპული სასამართლოს აღიარებით საქართველოს ციხეებში "წამების სისტემა" შექმნა.

დახურა ან ჯიბეში ჩაიდო ყველა ტელევიზია, რომლის რეჟიმის ტრაგიკული შედეგები მაშინდელ ციხეებში ასეულობით ათასმა ადამიანმა საკუთარ თავზე გამოცადა - სამარცხვინოა, რომ ქართველ ხალხს  20 წელია იმ ევროპელი პოლიტიკოსების ყურება უწევს, რომლებიც ჯერ ხელისუფლებაში მყოფი მიხეილ სააკაშვილის დანაშაულებს ხელს აფარებდნენ, ახლა კი, ევროპული ინსტიტუციების გამოყენებით, სამართლიანი სასჯელისგან მის უპირობო დახსნას ცდილობენ.

 ამაზრზენია საქართველოს მიმართ რეზოლუციაში საყენებული მოთხოვნა, დავუწესოთ რუსეთს ორმხრივი სანქციები.

სკანდალურია, რომ ეს რეზოლუცია ევეროკავშირის პირველი ოფიციალური საჯარო დოკუმენტია, რომელსიც საქართველოსგან რუსეთისთვის სანქციების მოთხოვნა ღიარ არის დაფიქსირებული - თუმცა, კარგია ,რომ როგორც იქნა, საბოლოოდ გაცხადდა ის, რაზეც აქამდე მსგავსი მოთხოვნის ავტორები საჯაროდ საუბარს გაურბოდნენ, ზოგიერთი კი საჯაროდ უარყოფდა კიდეც.

ამ რეზოლუციამ ნათელი გახადა საქართველოს მოსახლეობისთვის, თუ რა წნეხის ქვეშ იყო მთელი ეს პერიოდი საქართველოს ხელისუფლება.