ჯანდაცვის სამინისტროს ინფორმაციით, ამბროლაურის მუნიციპალიტეტის სოფელ პატარა ჩორჯოში, ცოფით 45 წლის ქალი გარდაიცვალა.
არსებული ინფორმაციით, ქალი, სავარაუდოდ, მიმდინარე წლის თებერვალში, მისივე ლეკვისგან დაინფიცირდა. ამავე თვეში ლეკვი მოკვდა, ხოლო ინფიცირებულ პირს ანტირაბიული დახმარებისთვის არ მიუმართავს. ცოფის კლინიკური სურათის განვითარება დაიწყო 6 ივლისს, ამ დაავადებისთვის ტიპური კლინიკური ნიშნებით. შემთხვევა კი 2024 წლის 11 ივლისს დარეგისტრირდა და ინფიცირებული იმავე დღესვე გარდაიცვალა.
მსგავსი ფაქტი, 2022 წლის ნოემბრის შემდეგ, წელს პირველად დაფიქსირდა.
