ქართველმა ადამიანმა თავისი ისტორია სისხლით დაწერა, გოლგოთა და ჯვარცმა გაიარა. ჩვენ ერთგვარი კავკასიური ვიადოლოროსა გვაქვს გავლილი. ამ უბედურების მიუხედავად, მოვახერხეთ, რომ 21-ე საუკუნემდე ჩვენი სამშობლო და ტრადიციები ღირსებით შევინარჩუნეთ და ზნეობისთვის ზურგი არასოდეს შეგვიქცევია. ქვეყანაში, სადაც ქრისტეს 5 მოციქული მოღვაწეობდა - სადაც ქართველი ადამიანი იცავდა და სისხლს ღვრიდა თავისი სამშობლოსთვის, ქრისტესთვის და ოჯახისთვის, ყალბ, ფსევდოლიბერალურ ფასეულობებს ვერასდროს შემოგვაჩეჩებენ.
ილია თავის შედევრში, მგზავრის წერილებში ლელთ ღუნიას ათქმევინებს, რომ - ადრიდა გული გულობდის, ვაჟაი ვაჟობდის, ქალაი ქალობდისო და ჩვენ ზუსტად ასეთი საქართველო გვინდა, სადაც ვაჟაი ვაჟობდის და ქალაი ქალობდის. 17 მაისს, ოჯახის სიწმინდის დღეს, ჩვენი ასეულათასობით მოქალაქე ასეთი საქართველოსთვის გამოვიდა [...] ჩვენი გუნდი საქართველოში ერთნაირსქესიანთა ქორწინებასა და უწესობის პროპაგანდას არასოდეს დაუშვებს, იმიტომ, რომ ჩვენ ვართ რუსთაველის სამშობლო. ვართ ქრისტიანულ ფასეულობებზე დაფუძნებული, დიდი კულტურის შემოქმედი ერი.
