ამ რეგიონში და ამ გეოპოლიტიკურ ვითარებაში, ჩვენთვის მშვიდობიანი პროცესების გარდა, გამოსავალი არაა. არ არის და ვერ იქნება გამოსავალი რევოლუციების, სახელმწიფო გადატრიალების, დესტრუქციის, ანუ დესტაბილიზაციის გზა. ჩვენ კარგად ვიცით, რომ გარეთ ეს ხელს აძლევს მხოლოდ და მხოლოდ ჩვენს მტერს და შიგნით - ხელს უწყობს მშვიდობიანი პროცესის დივერსიად წარმოჩენას, დაშინებას, რეპრესიებს და საბოლოოდ, ავტორიტარული რეჟიმის გაძლიერებას. სტაბილურობის შენარჩუნების გზა კი მხოლოდ და მხოლოდ არჩევნებზე გადის. არჩევნები დემოკრატიულობის ერთადერთი გზა და ერთადერთი საზომია, არჩევნები დემოკრატიულობის მთავარი ტესტი, რითაც ასევე უნდა შეფასდეს ჩვენი მზადყოფნა ევროკავშირში გაწევრიანებისთვის. ამ არჩევნებით ჩვენ მთავარი არჩევანი უნდა გავაკეთოთ: ან ევროპული, დემოკრატიული, დამოუკიდებელი საქართველო, ან რუსული ყაიდის, ავტორიტარული და იზოლაციაში მყოფი საქართველო! ასეთ არჩევანს კი სახალხო რეფერენდუმი ჰქვია. სწორედ ამიტომ, მომავალი არჩევნები ამ ქვეყნისთვის იმავე მნიშვნელობის იქნება, როგორიც 1918 წლის არჩევნები, ან 1991 წლის რეფერენდუმი იყო - ანუ ქვეყნის ისტორიული გადაწყვეტილება! ხალხის ხმამ და ხალხის ნებამ ქართველი ერი ხელახლა უნდა დაბადოს და მას საკუთარი თავისა და შესაძლებლობების რწმენა დაუბრუნოს.
tbl.ge/6sq3
დაკოპირდა
![](https://api.tabula.ge/files/styles/news_thumb_square_md/public/photos/2023/04/14337021-5731-4c19-957f-29f7cd6d523f.jpeg.jpg?itok=FYARFcIs)
თქვა პრეზიდენტმა სალომე ზურაბიშვილმა დამოუკიდებლობის დღის ღონისძიებაზე.
ამავე თემაზე
- კუპრაძე: გახარიასთან არ ვითანამშრომლებთ, მათი განცხადება ცალმხრივ სიყვარულს ჰგავს
- მეზვრიშვილი: ლელო იდეოლოგიურად ყველაზე ახლოს მდგომი პარტია შეიძლება იყოს
- ალექსი პეტრიაშვილი პარტია დროას შეუერთდა
- ვიწყებთ კონსულტაციებს საარჩევნო დემოკრატიული ცენტრის შესაქმნელად - ევროპული საქართველო
- ნათელაშვილი: ქართველ ხალხს ასარჩევი ბევრი არავინ ჰყავს ლეიბორისტული პარტიის გარდა