გაეროში ამბობენ, რომ ისრაელმა ღაზის სექტორის სამხრეთში, ქალაქ ხან იუნისის დიდ ტერიტორიაზე ევაკუაცია გამოაცხადა.
გაეროს ჰუმანიტარულ საქმეთა კოორდინაციის ოფისის (OCHA) ცნობით, ისრაელმა გაავრცელა რუკები, რომლებზეც მონიშნულია ქალაქის დაახლოებით 20%, სადაც ოპერაცია გაფართოვდება. ამ ორგანოს ცნობით, ამ ტერიტორიაზე ომამდე 111 542 ადამიანი ცხოვრობდა.
OCHA-ში ამბობენ, რომ ამ ტერიტორიაზე მდებარეობს 32 თავშესაფარი, რომლებიც ჩრდილოეთ ღაზიდან გამოქცეულ 141 451-მდე დევნილს იტევდა.
ხან იუნისის მიმართულების ისრაელის თავდაცვის ძალებმა მოქმედებები დეკემბრის დასაწყისში გააფართოვეს. 6 დეკემბერს ისინი უკვე ქალაქის ცენტრში იბრძოდნენ.
