24 ოქტომბერს უნგრეთის პარლამენტმა შვედეთის NATO-ში გაწევრიანების განაცხადის განხილვაზე უარი თქვა, რითაც შვედეთის ჩრდილოატლანტიკურ სამხედრო ალიანსში გაწევრიანების პროცესი კიდევ ერთხელ გახანგრძლივდა.
პროტოკოლის რატიფიკაციის კიდევ ერთი შესაძლებლობა უნგრეთს მომდევნო საპარლამენტო სესიისას ექნება, რომელიც 6 ნოემბერს არის დანიშნული.
უნგრეთი ერთადერთ წევრ ქვეყანად რჩება, რომელიც შვედეთის NATO-ში გაწევრიანებას უშლის ხელს, მას შემდეგ, რაც 23 ოქტომბერს რეჯეფ თაიფ ერდოღანმა NATO-ში შვედეთის მიღების პროტოკოლს ხელი მოაწერა და დოკუმენტი რატიფიკაციისთვის პარლამენტს გაუგზავნა.
იმისთვის, რომ შვედეთი ჩრდილოატლანტიკურ ალიანსს შეუერთდეს, პროცესს მხარი ბლოკის 31-ივე წევრმა უნდა დაუჭიროს.
