ვლადიმირ პუტინი და ილჰამ ალიევი დსთ-ს სამიტის ფარგლებში ბიშკეკში შეხვდნენ.
რუსეთის პრეზიდენტმა თქვა, რომ შეხვედრის მთავარი მიზანი მთიანი ყარაბაღის საკითხებზე მოლაპარაკებაა:
"კითხვა ნომერი ერთი ყარაბაღის გარშემო განვითარებული სიტუაციაა, მაგრამ დღის წესრიგში სხვა, უფრო ფართო საკითხებიც დგას. გთავაზობთ ჩვენი საუბარი შემდეგნაირად წარიმართოს: ამ საკითხების შესახებ კოლეგებთან ერთად ვიმსჯელოთ, ვისაუბროთ, შემდეგ კი პირისპირ დავილაპარაკოთ მთლიან კომპლექსზე, მათ შორის ე.წ. მგრძნობიარე საკითხებზე".
აზერბაიჯანის პრეზიდენტმა რუსი კოლეგის წინადადებას ენთუზიაზმით გამოეხმაურა:
"ძალიან სასიხარულოა, რომ ყირგიზეთში სახელმწიფო ვიზიტის ფარგლებში შეხვედრისთვის დრო გამონახეთ. სინამდვილეში ბევრი კითხვაა. ვფიქრობ თქვენი წინადადება სრულიად გონივრულია".
"ჩვენ მართლაც გვაქვს სალაპარაკო. ამ წლის შედეგები შთამბეჭდავია – იქნება ეს სავაჭრო ბრუნვა, სამრეწველო თანამშრომლობა თუ ტრანსპორტის სექტორში ერთობლივი პროექტები. შემდეგ ვისაუბროთ რეგიონალურ თემატიკაზე და უსაფრთხოების საკითხებზეც". – დაამატა ალიევმა.
პუტინისა და ალიევის გარდა მოლაპარაკებებში ორივე ქვეყნის უმაღლესი მაღალჩინოსნები მონაწილეობენ.
ყაზახეთში გამართულ დსთ-ს სამიტს არ დაესწრო სომხეთის პრემიერმინისტრი ნიკოლ ფაშინიანი.