Reuters-ის ინფორმაციით, რუსული ნავთობის კომპანია Lukoil-ი აზერბაიჯანულ Socar-ს 1.5 მილიარდ აშშ დოლარს ასესხებს. ფული თურქული კომპანია STAR-ისთვის ყოველდღიურად 200 000 ბარელი ნავთობის მიწოდების შეთანხმების შესრულებას მოხმარდება. თურქული STAR-ი კი თავის მხრივ, რუსული ნედლი ნავთობის გადამუშავებაზეა პასუხისმგებელი.
გამოცემა Reuters-მა აღნიშნული ინფორმაცია სამივე ქვეყნის ინდუსტრიების დამოუკიდებელი ანონიმური წყაროებისგან მოიპოვა.
ამით რუსეთისთვის თურქეთი ნედლი ნავთობის ახალ იმპორტიორად ყალიბდება, მას შემდეგ, რაც ევროპულმა სახელმწიფოებმა რუსული ნედლი ნავთობის შესყიდვები რუსეთ-უკრაინის ომის ფონზე შეზღუდეს.
თურქეთს რუსეთისთვის შესაბამისი სანქციები არ დაუწესებია და დღემდე აგრძელებს რუსული ნავთობისა და ბუნებრივი აირის ყიდვას.