ტრენინგი იყო არაძალადობრივი პროტესტის შესახებ. ერთ-ერთი მთავარი მიზანი, რაც ამ ტრენინგს ჰქონდა, თუ როგორ მიგვეწვდინა ჩვენი ხმა ფართო საზოგადოებისთვის. მაგალითად, მწერალთა სახლში რატომ უნდა ინიშნებოდეს დირექტორი არჩევნების წესით და არა პირდაპირ ნიშნავდეს ქალბატონი მინისტრი. ვუყურეთ ფილმს მარტინ ლუთერ კინგის შესახებ, თუ როგორ აპროტესტებდნენ შავკანიანი ამერიკელები 60-იან წლებში სეგრეგაციის კანონს. ის, რომ 30 ხელოვანს დააბრალო რევოლუციის მოწყობა, სასაცილოა და საწყენია. ტრენინგზე კამერები ჰქონდათ დამონტაჟებული და ვიდეო დაჭრილი იყო. ძალიან ძნელია, უბრალო მოქალაქეს აუხსნა მონტაჟი რას ნიშნავს. ეს სჭირდებათ, რომ ორი აზრი ერთმანეთს მიაწებონ და მათთვის სასარგებლო ახალი აზრი გამოვიდეს. თუ 30 ხელოვანს შეიძლება უსმენდე, მართლა მაშინებს შემდეგი ნაბიჯი რა იქნება და ხვალ ბელორუსში ან რუსეთში არ გავიღვიძო. არც არასამთავრობო ორგანიზაცია არ მაქვს, არც პარტია და არც დაფინანსება. არ შეიძლება ხელოვნებას ებრძოლო ცენზურით, მხოლოდ და მხოლოდ ამას ვაპროტესტებ.
tbl.ge/6j38
დაკოპირდა
მწერალი ივა ფეზუაშვილი გამოეხმაურა სუს-ის განცხადებას, რომლის მიხედვით, USAID-ის დაფინანსებით, საქართველოში სერბული ორგანიზაცია CANVAS-ის წარმომადგენლები ახალგაზრდებს რევოლუციისთვის ამზადებენ.
ამავე თემაზე
- ინფორმაცია გვქონდა სანდო წყაროდან მოპოვებული — სუს-ის უფროსი ტრენინგზე
- ვაწაძე: სუს-ი ტრენინგზე დასწრების მიზეზით დაკითხვაზე მიბარებს
- ე.წ გადატრიალების საქმის ფარგლებში სუს-მა გამოკითხვაზე ფორმულას ფოტოგრაფიც დაიბარა
- კობახიძე: პოლიციას შეეძლება შეაფასოს, კარავი როდის უნდა გაიშალოს და როდის არა
- ჰერჩინსკი "კარვების კანონზე": EU მკაფიოდ უჭერს მხარს გამოხატვისა და შეკრების თავისუფლებას