კენიაში ავტოსაგზაო შემთხვევის შედეგად 48 ადამიანი დაიღუპა.
შემთხვევა 30 ივნისს მოხდა. ლონდიანში სატვირთომ გზიდან გადაუხვია და რამდენიმე სატრანსპორტო საშუალებას შეეჯახა.
ინციდენტის ამსახველ კადრებში ჩანს დაზიანებული ავტომობილები, მოტოციკლები, მიკროავტობუსები და სატვირთო მანქანებიც.
კენიის წითელი ჯვრის ინფორმაციით, სატვირთო ჯამში 6-ზე მეტ ავტომობილს შეეჯახა. შემთხვევას ემსხვერპლნენ ქვეითებიც. 20-ზე მეტი დაშავებული ჰოსპიტალიზებულია.
სამაშველო სამსახურების ცნობით, დაზარალებულთა ნაწილის ნამსხვრევებიდან გამოყვანა ამ დრომდე ვერ ხერხდება. ადგილზე სამაშველო სამუშაოები გრძელდება.
