4 მაისს, პაკისტანის ჩრდილო-დასავლეთ კურამის რაიონის სკოლაში, სულ მცირე, 7 ადამიანი მოკლეს, მათ შორის 4 მასწავლებელი.
პოლიციის თქმით, ინციდენტში რამდენიმე შეიარაღებული ადამიანი მონაწილეობდა. ეჭვმიტანილები ჯერჯერობით არ დაუკავებიათ.
დეტალები იმის შესახებ, თუ რა მოხდა კურამის რაიონის სკოლაში ჯერ კიდევ გაურკვეველია.
ოფიციალური პირების ინფორმაციით, 4 მაისის დილას, კურამის რაიონში კაცს საკუთარ მანქანაში ესროლეს და მოკლეს. მათივე ინფორმაციით, კაცი იმავე სკოლის წევრი იყო. ოფიციალური პირები ვარაუდობენ, რომ სკოლაში შურისძიების მიზნით ისროლეს.
