სომხეთი და აზერბაიჯანი ერთმანეთს კვლავ აბრალებენ, რომ საზღვარზე ცეცხლი გახსნეს. შეტაკებები კვლავ ვერინ-შორჟასა და ქალბაჯარის რაიონებსა და მიმდებარე ტერიტორიებზე მოხდა.
სომხეთის თავდაცვის სამინისტროს ცნობით, 13 მარტს 19:00-დან 19:30-მდე აზერბაიჯანის შეიარაღებულმა ძალებმა ცეცხლი გაუხსნეს მათ პოზიციებს ვერინ-შორჟის მიმართულებით.
აზერბაიჯანის თავდაცვის სამინისტროში კი ამბობენ რომ 13 მარტის საღამოდან 14 მარტის დილამდე აზერბაიჯანის პოზიციებს სომხეთის შეიარაღებულმა ძალებმა ცეცხლი 19-ჯერ გაუხსნეს. მათივე თქმით, მიიღეს "ადეკვატური საპასუხო ზომები". ამას გარდა, განცხადებაში ნათქვამია, რომ ხოჯალის რაიონში აზერბაიჯანის პოზიციებს სომხურმა სეპარატისტულმა შენაერთებმა ცეცხლი გაუხსნეს.