მმართველი პარტიის თავმჯდომარისგან უფრო გაწონასწორებული განცხადებების მოსმენას ვისურვებდი. აბსოლუტურად გულწრფელი ვიქნები თქვენთან, მისდამი ჩემი პირადი პატივისცემის მიუხედავად. ის კეთილსინდისიერი ადამიანია, კონკრეტული საჭირო ცოდნითა და კომპეტენციებით, მაგრამ რიტორიკა და ფორმულირება, განსაკუთრებით ამგვარ დელიკატურ საკითხებზე, როდესაც უკრაინულ თემასთან შედარება კეთდება...
როცა ამ განცხადებას პირდაპირ ეთერში ვისმენდი, ბატონი კობახიძის ამ პრესკონფერენციას, სიმართლე გითხრათ, არ მომეწონა. ამ განცხადების კონსტრუქციაში დავიჭირე უხერხულობა. მე ვფიქრობ, ეს განცხადება არა მხოლოდ ერთგვარად შიდა მოხმარებისაა, არამედ მოცემულ ეტაპზე, იმის გათვალისწინებით, რომ უკრაინასთან ჩვენ არცთუ მარტივი ურთიერთობები გვაქვს, ამგვარი განცხადებით დამატებით ცეცხლზე ნავთის დასხმაა იმის ნაცვლად, რომ ამ ვითარების როგორღაც დარეგულირებაზე ვიფიქროთ.
არ ვიცი, შეიძლება ეს ემოციური გარღვევა იყო, თუმცა, როცა ბატონ კობახიძეს ვუსმენ, ის გაწონასწორებული ადამიანია, ემოციებს იკავებს. ყოველშემთხვევაში, მე ვფიქრობ რომ ეს შედარება, რბილად რომ ვთქვათ, იყო გაუგებარი. რაღაც თვალსაზრისით არაკორექტულიც უკრაინელი ხალხის მიმართ და ვისურვებდი უფრო დაბალანსებულ, რაციონალურ განცხადებებს და პრაგმატულობას, რადგან ყოველი ასეთი განცხადება რისკის შემცველია, რომ შეიძლება სხვაგვარად გამოეხმაურონ, არ ვიცი, თვალი არ მიმიდევნებია უკრაინული მედიისთვის..
გავიმეორებ, ასეთი რთული ურთიერთობების ფონზე, მმართველი პარტიის თავმჯდომარე მეტად ფრთხილი უნდა იყოს თავის განცხადებებში, მით უმეტეს, ასეთი არაორდინალური შედარებების კეთებისას.