კობახიძე რეზოლუციაზე: უნდათ, ივანიშვილის ავტორიტეტი გამოიყენონ მე-2 ფრონტის მიზნებისთვის

მიზანი არის [ბიძინა ივანიშვილის] შანტაჟი, არა დასჯა, არამედ შანტაჟი. სანქციის დაწესება ნიშნავს უკვე დასჯას და როდესაც ადამიანს სჯი, მისგან არაფერს, ვერაფერს ელოდები. სწორედ იმიტომ ხორციელდება შანტაჟი და იმიტომ მოქმედებს დეფაქტო სანქციები და არა ფორმალური სანქციები, რომ მიზანი არის შანტაჟი. მიზანი არის ის, რომ ბიძინა ივანიშვილი მისი ნების წინააღმდეგ შემოაბრუნონ პოლიტიკაში, იმისთვის რომ მან გავლენა იქონიოს ხელისუფლების გადაწყვეტილებებზე. მათ იციან, რომ ბიძინა ივანიშვილს აქვს სერიოზული პერსონალური ავტორიტეტი და უნდათ, რომ მისი ეს ავტორიტეტი, მისი ნების წინააღმდეგ გამოიყენონ მეორე ფრონტის მიზნებისათვის, რასაც ბიძინა ივანიშვილი არ აკეთებს და არ გააკეთებს, რაც აღნიშნა თავის წერილში, მაგრამ ინტერესი ეს არის. მე მგონია, რომ ეს გაგრძელდება, სწორედ იმიტომ, რომ მიზანი არის შანტაჟი და არა დასჯა, ამიტომ იყენებენ ისინი დეფაქტო სანქციებს, რაც წამოსცდა ვიოლა ფონ კრამონს ინტერვიუში და ამიტომ არ იყენებენ ფორმალურ სანქციებს - თუ ადამიანს დასჯი, მისგან ვერაფერს ვეღარ მიიღებ, სწორედ ამიტომ იყენებენ დეფაქტო სანქციებს.