სომხეთის თავდაცვის სამინსიტროს ცნობით, 17-25 ივნისს ქვეყანაში გაიმართება ყოველწლიური სამხედრო წვრთნები "პარტნიორი არწივი 2026," (Eagle Partner) რომელშიც NATO-ს სამი წევრი ქვეყანა, აშშ, საფრანგეთი და საბერძნეთი, მიიღებს მონაწილეობას. წვრთნების მიზანია ქვეყანის საერთაშორისო სამშვიდობო მისიებისთვის მოამზადება.
წვრთნებში მონაწილეობას მიიღებს სომხეთის სამშვიდობო ბრიგადის 250 წარმომადგენელი, აშშ-ს ევროპისა და აფრიკის არმიის და კანზასის ეროვნული გვარდიის 58 წარმომადგენელი, საფრანგეთის 24 წარმომადგენელი და საბერძნეთის 11 წარმომადგენელი.
მონაწილეები სამშვიდობო მისიების დაგეგმვისა და შესრულებისთვის საჭირო უნარ-ჩვევებს შეისწავლიან. წვრთნები მიზნად ისახავს დანაყოფებს შორის თავსებადობის გაუმჯობესებას, საუკეთესო პრაქტიკის გაზიარებას და სომხეთის სამშვიდობო ძალების მზადყოფნის ამაღლებას.
აღსაღნიშნავია, რომ წვრთნები ოთხმხრივი ფორმატით პირველად ტარდება. აქამდე "პარტნიორი არწივის" წვრთნებში, რომლებიც პირველად 2023 წლის სექტემბერში ჩატარდა, მხოლოდ სომხეთი და აშშ მონაწილეობდნენ.
