საპარლამენტო საქმიანობის შეწყვეტასთან დაკავშირებით, ჩემი პოზიცია არის შემდეგი, თავს ვალდებულად ვთვლი, განვმარტო. იმ გადაწყვეტილების შემდეგ, რაც გუშინ სასამართლომ მიიღო, მე ვერ წარმომიდგენია, პარლამენტში ან საკრებულოებში მუშაობა როგორ უნდა გავაგრძელოთ. ამიტომ, მე პარლამენტიდან და საკრებულოებიდან, მათ შორის, თბილისის საკრებულოდან გამოსვლის მომხრე ვარ. ჩემთვის გაუგებარია იმ ადამიანების პოზიცია, ვინც საპარლამენტო მანდატის დატოვებას ემხრობა, საკრებულოებიდან გამოსვლას კი არა. შესაბამისად, პოზიცია, ნახევარ-ნახევარი ვაკეთოთ, მიშას რომ კლავენ ეს კი არ შევიმჩნიოთ, სწორი არ მგონია. თუ გამოვდივართ და ამ გზას ვირჩევთ, უნდა გამოვიდეთ ყველა რგოლიდან და ეს გადაწყვეტილება უნდა იყოს პარტიის ყველასთან შეთანხმებული პოზიცია. ჩვენ რუსული ოცნება ყველგან მარტო უნდა დავტოვოთ.
ერთიანი ნაციონალური მოძრაობა
წითლიძე: მე პარლამენტიდან და საკრებულოებიდან გამოსვლის მომხრე ვარ
