ცნობილი შვედი კლიმატის აქტივისტი, გრეტა ტუნბერგი გერმანიის პოლიციამ საპროტესტო აქციის დროს დააკავა. პოლიციის ინფორმაციით, ტუნბერგი სხვა აქტივისტებთან ერთად გერმანიის სოფელ ლიუცერატის დანგრევას აპროტესტებდა, რომელიც გერმანულმა ენერგეტიკულმა კომპანია RWE AG-მ შეისყიდა და სოფლის ტერიტორიაზე ქვანახშირის მაღაროს გაფართოებას გეგმავდა.
პოლიციის სპიკერის თქმით, ჯერ-ჯერობით უცნობია, მოხდება თუ არა დაკავებული აქტივისტების გათავისუფლება.
"გრეტა ტუნბერგი იყო იმ აქტივისტებთაგან ერთ-ერთი, რომელიც პროტესტის ნიშნად მაღაროს კიდესკენ გაეშურა. თუმცა, ის შეაჩერეს და მოხდა ჯგუფთან ერთად მისი გაყვანა საშიშროების ადგილიდან, რათა მომხდარიყო მათი იდენტობის დადგენა". – თქვა პოლიციის წარმომადგენელმა Reuters-თან საუბრისას.