ჰარვი ვაინშტაინის საქმე

ლოს-ანჯელესის სასამართლომ ჰარვი ვაინშტაინი გაუპატიურებაში დამნაშავედ ცნო

Variety

ლოს-ანჯელესში ჰარვი ვაინშტაინის სასამართლო გაიმართა. ნაფიცმა მსაჯულებმა ყოფილი პროდიუსერი შვიდიდან სამ საქმეში, მათ შორის გაუპატიურებაში დამნაშავედ ცნო.

სასამართლო პროცესი 2 დეკემბერს დაიწყო, საქმეში 44 მოწმე ფიგურირებდა. განაჩენის გამოსატანად მსაჯულებს 9 დღე დასჭირდათ.

შვიდივე ინციდენტი 2005-2013 წლებში ლოს-ანჯელესში მოხდა. ამ ეტაპზე უცნობია კიდევ რამდენ წელს მიუსჯის სასამართლო ვაინშტაინს, დანაშაული 18-დან 24 წლამდე პატიმრობას ითვალისწინებს.

2017 წელს 80-მდე ქალმა ჰარვი ვაინშტაინი სექსუალურ შევიწროებაში დაადანაშაულა, 6-მა ქალმა კი გაუპატიურებაში. ვაინშტაინის მხილების შემდეგ დაიწყო #Metoo კამპანია, რომლის ფარგლებშიც ქალები მთელი მსოფლიოდან წერდნენ სექსუალური შევიწროების შესახებ.

ჰარვი ვაინშტაინის მიმართ გამოთქმული ბრალდებების შემდეგ, პროდიუსერის თავისივე კომპანიიდან The Weinstein Company-დან გაათავისუფლეს, ის გააძევეს ამერიკის კინოაკადემიიდანაც.

2020 წლის 24 თებერვალს, ნიუ-იორკის სასამართლომ ვაინშტაინს 23-წლიანი პატიმრობა შეუფარდა. 67 წლის პროდიუსერს სასამართლომ მესამე ხარისხის სიმძიმის გაუპატიურება და პირველი ხარისხის სიმძიმის სექსუალური ძალადობა დაუმტკიცა.

3 ივნისს ვაინშტაინს ნიუ-იორკის სასამართლომ სააპელაციო სარჩელი არ დაუკმაყოფილა.

კომენტარები