რუსი პროპაგანდისტები, მარგარიტა სიმონიანი და ვლადიმირ სოლოვიევი მიანიშნებენ, რომ პოლონეთში რაკეტა უკრაინამ ჩამოაგდო.
"აი, პოლონეთშიც გაჩნდა ბელგოროდის რეგიონი, თქვენ როგორ გინდოდათ?"- წერს მარგარიტა სიმონიანი Telegram-ზე. აღსანიშნავია, რუსეთი თვეების განმავლობაში ამტკიცებს, რომ ბელგოროდში ხშირად ხვდება უკრაინელების ნასროლი ჭურვები და საბრძოლო მასალა.
სიმონიანის თქმით, ეს ან უკრაინის შეცდომაა, ან ბრიტანეთის და პოლონეთის პროვოკაცია რუსეთის წინააღმდეგ.
"სანამ დაადანაშაულებთ ქვეყანას, რომელსაც ძალუძს პოლონეთის ბირთვულ ფერფლად გადაქცევა, შეეცადეთ წარმოადგინოთ მტკიცებულებები"- წერს სიმონიანი.
სოლოვიევი კი აცხადებს, რომ "კიევის რეჟიმმა უნებლიედ მიაყენა სარაკეტო დარტყმა პოლონეთს" და ახლა რუსეთის დადანაშაულებას შეეცდებიან.
"პოლონეთის ტერიტორიაზე მოხვედრილი რაკეტის ფრაგმენტის ფოტოზე თუ ვიმსჯელებთ, ეს არის S-300 საჰაერო თავდაცვის სისტემის საბრძოლო მასალა და, სავარაუდოდ, დარტყმა კიევის რეჟიმმა უნებლიედ მიაყენა საზენიტო სროლის შედეგად. უკრაინის შეიარაღებული ძალების დაცვა. მტერი ხშირად იყენებს ვადაგასული საბრძოლო მასალის გამოყენებას.
მიუხედავად იმისა, რომ ტრაგედიის ესკალაციის მორიგი ტალღის საბაბია და ხალხი დაიღუპა, ისინი შეიძლება ცდილობდნენ რუსეთის დადანაშაულებას".- აცხადებს სოლოვიევი.
აშშ-ს დაზვერვის წყაროებისა და მედიაში გავრცელებული ინფორმაციით, პოლონეთში, უკრაინის საზღვრი მახლობლად, ჩამოვარდა რუსული რაკეტა, რომელსაც ორი ადამიანის სიცოცხლე ემსხვერპლა. ქვეყნის პრემიერმინისტრმა, მატეუშ მორავიეცკიმ უსაფრთხოების საბჭო მოიწვია. რუსულ რაკეტებზე ინფორმაციას პოლონეთის მთავრობა ჯერჯერობით არ ადასტურებს.
