ენმ

მელია: ჩემი კოლეგების ბრიფინგზე არაფერი ახალი არ ყოფილა, გარდა განცხადების ფორმისა

დღეს გამართულ ბრიფინგზე, რომელიც ჩემმა კოლეგებმა გამართეს, არაფერი ახალი არ თქმულა, არაფერი ახალი არ მომისმენია. დღეს გამართულ ბრიფინგზე არაფერი ახალი არ ყოფილა, გარდა თავად განცხადების ფორმისა, რა ფორმითაც განცხადება გაკეთდა, განსაკუთრებით მაშინ,როცა პარტიაში ყოველდღიური, ინტენსიური შიდაპარტიული მსჯელობა მიმდინარეობდა და მიმდინარეობს მთელ რიგზე საკითხებზე ერთიანი, კონსოლიდირებული პარტიული პოზიციების ჩამოსაყალიბებლად და მხოლოდ ამის შემდეგ უნდა მომხდარიყო საზოგადოების და განსაკუთრებით ერთიანი ნაციონალური მოძრაობის ამომრჩევლების ინფორმირება. თუ რა გახდა რეალური მიზეზები და მიზანი ამ საკიტხის ასე ნაჩქარევად, ამ ფორმით, ასე მოუმზადებლად გამოტანისა, ამას უახლოესი პერიოდი აუცილებლად მოჰფენს ნათელს

ენმ-ის თავმჯდომარე ნიკა მელია საგანგებო განცხადებით გამოეხმაურა თანაპარტიელების ბრიფინგს, რომლებმაც პარტიის სამდივნოს, პოლიტსაბჭოსა და თავმჯდომარის არჩევნების ჩატარება მოითხოვეს.

კომენტარები