დაიღუპა ტურისტი, რომელიც პარაპლანის კლდეზე შეჯახებისას დაშავდა. მასთან ერთად მყოფი საქართველოს მოქალაქე კი მაშველებმა ამოიყვანეს. განცხადება ამის შესახებ შს მინისტრმა, ვახტანგ გომელაურმა გააკეთა.
ასევე, დაიღუპა ჩამოვარდნილი ვერტმფრენის ბორტზე მყოფი 8-ვე ადამიანი.
დღეს, 29 ივლისს გუდაურში შსს-ს სასაზღვრო პოლიციის ვერტმფრენმა მართვა დაკარგა და ჩამოვარდა. გავრცელებულ კადრებში ჩანს, თუ როგორ ფეთქდება ვერტმფრენი. სამაშველო ვერტმფრენით მედიკოსები და მაშველები მიდიოდნენ მოქალაქეების დასახმარებლად, რომლებიც პარაპლანით კლდეს შეეჯახნენ და დაშავდნენ.
შსს-ს ინფორმაციით, საჰაერო ტრანსპორტის ექსპლუატაციის წესების დარღვევის ფაქტზე გამოძიება საქართველოს სისხლის სამართლის კოდექსის 275-ე მუხლით მიმდინარეობს.
