რუსეთის საგარეო საქმეთა სამინისტროს სპიკერი, მარია ზახაროვა კანადის მიერ მოსკოვისა და სრულიად რუსეთის პატრიარქის კირილის წინააღმდეგ დაწესებულ სანქციებს გამოეხმაურა.
"პატრიარქის წინააღმდეგ სანქციების დაწესება მხოლოდ სატანისტებს შეუძლიათ". - თქვა ზახაროვამ.
კანადა რუსეთის წინააღმდეგ დამატებით სანქციებს აწესებს. ამის შესახებ კანადის საგარეო საქმეთა მინისტრმა, მელანი ჯოლიმ ბალიში, G20-ის სამიტზე ისაუბრა. კანადა სანქციებს რუსეთის პატრიარქ კირილის წინააღმდეგაც აწესებს.
"რუსული პროპაგანდის მანქანამ სიცრუეზე პასუხი უნდა აგოს. კანადა დეზინფორმაციას შეებრძოლება ყველგან, სადაც მას აღმოვაჩენთ. მოგმართავთ მათ, ვინც დეზინფორმაციას ავრცელებთ: თქვენ ამაზე პასუხს აგებთ. კანადა უკრაინის გვერდით დგას". - თქვა მელანი ჯოლმა.
კანადა კრემლის დეზინფორმაციული კამპანიის წინააღმდეგ, 29 დეზინფორმაციისა და პროპაგანდის აგენტისა და 15 სუბიექტის წინააღმდეგ სანქციებს დააწესებს. სამინისტროს ინფორმაციით, ამ პირებს რუსეთის მთავრობაზე მნიშვნელოვანი გავლენა აქვთ.
სანქციების სიაში მოხვდა სუმბატოვიჩ გასპარიანი, რომელიც Russia Today-ის საერთაშორისო დეპარტამენტის ხელმძღვანელია.
