საქართველო-ევროკავშირი

ბორელი: საქართველოს ევროპისკენ გზა განსაზღვრულია, იცით, რა, როგორ და როდის უნდა გაკეთდეს

საქართველო ევროკავშირის გზას უდავოდ ადგას. დიახ, არსებობს პირობები. ეს წინ გადადგმული დიდი ნაბიჯია, რაც ჩვენ არასათანადოდ არ უნდა შევაფასოთ, პირიქით. ეს, ასევე, არის აღიარებისა და მტკიცე მხარდაჭერის ნიშანი. ახლა საქართველოს გზა ევროპისკენ სრულყოფილად არის განსაზღვრული. იცით, რა, როგორ და როდის უნდა გაკეთდეს. მზად ვართ, ერთად ვიშრომოთ - ქართველ საზოგადოებას ამ უმნიშვნელოვანესი შესაძლებლობის გამოყენებაში მხარი დავუჭიროთ, რათა ევროპული მომავალი ააშენოს. 

საქართველოს ევროპული პერსპექტივის აღიარებასთან დაკავშირებით ევროკავშირის უმაღლესმა წარმომადგენელმა საგარეო საქმეთა საკითხებში, ჯოზეფ ბორელმა Twitter-ზე ვიდეო მიმართვა გაავრცელა. გუშინ, 23 ივნისს ევროკავშირმა 17 ივნისს მიღებული ევროკომისიის რეკომენდაცია გაითვალისწინა: უკრაინასა და მოლდოვას კანდიდატის სტატუსი, ხოლო საქართველოს მხოლოდ პერსპექტივა მიანიჭა

კომენტარები