კობახიძე: უკრაინის მთავრობის პრინციპული გადაწყვეტილებაა, ენმ-ს ლიდერები თავისთან ჰყავდეს

უკრაინის ხელისუფლებას რატომღაც აქვს თავისი პრინციპული გადაწყვეტილება მიღებული, რომ ჰყავდეს ნაცმოძრაობის ლიდერები თავისთან - ეს არის სააკაშვილი, ადეიშვილი, ლორთქიფანიძე, არახამია და სხვები. ეს არის მათი პრინციპული პოზიცია და, სამწუხაროდ, ეს პოზიცია არ იცვლება. მათ იციან, რომ ეს არის არამეგობრული დამოკიდებულების გამოვლინება, პირველ რიგში, ქართული სახელმწიფოს მიმართ, იმიტომ, რომ ესენი არიან ქვეყნის მთავარი კრიმინალები, ხომ? ამის მიუხედავად, სამწუხაროდ, არ იცვლება მათი დამოკიდებულება, ამის უკან რაღაც უნდა იდგეს, სამწუხაროდ, ეს არ იცვლება. არ ვიცით, რა არის ამის მიზეზი. ჩვენ, ერთადერთი, რა თქმა უნდა, ამასთან დაკავშირებით მოგვიწევს შეფასებების გაკეთება, თუმცა ამაზე ღრმად ჩვენ ვერ შევალთ, კიდევ ერთხელ, იმის გამო, რომ ქვეყანა დღეს არის ომის მდგომარეობაში და ჩვენ ამ ფაქტორს მაქსიმალურად უნდა გავუწიოთ ანგარიში.