რუსეთ-უკრაინის 2022 წლის ომი

აშშ-მ რუსული ნავთობის, გაზისა და სხვა ენერგოპროდუქტების იმპორტი აკრძალა

Drew Angerer / Getty Images

უკრაინაში რუსეთის შეჭრისა და სრულმასშტაბიანი სამხედრო მოქმედებების დაწყების ფონზე ამერიკის შეერთებული შტატები რუსული ნავთობის, გაზისა და სხვა ენერგოპროდუქტების იმპორტს კრძალავს. ამის შესახებ პრეზიდენტმა ჯო ბაიდენმა საგანგებო ბრიფინგზე ისაუბრა.

"ფასის გადახდა ჩვენც მოგვიწევს შეერთებულ შტატებში. თავისუფლების დაცვა ძვირი დაჯდება და ის ჩვენც ძვირი დაგვიჯდება. შეერთებულ შტატებში ეს ესმით რესპუბლიკელებსაც და დემოკრატებსაც – ცხადია, რომ ეს უნდა გავაკეთოთ". – თქვა ჯო ბაიდენმა.

რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის, კიევის დაბომბვით დაიწყო. ქალაქების დაბომბვამდე სულ რაღაც 20 წუთით ადრე რუსეთის პრეზიდენტმა, ვლადიმირ პუტინმა უკრაინას ომი ვიდეომიმართვით ოფიციალურად გამოუცხადა

პუტინის მიერ უკრაინისთვის ომის გამოცხადებას წინ უძღოდა დონეცკისა და ლუგანსკის თვითგამოცხადებული რესპუბლიკების მარიონეტული რეჟიმების ფორმალური თხოვნა კრემლისადმი, დახმარებოდნენ "უკრაინული აგრესიის" მოგერიებაში.

რუსეთის სამხედრო ძალები უკრაინას სხვადასხვა მიმართულებით უტევენ. პარალელურად, მსოფლიოს ქვეყნები რუსეთს სხვადასხვა სახის სანქციას უწესებენ.

კომენტარები