5 მატიდან 8 მარტის ჩათვლით კინოთეატრ ამირანში უკრაინული კინოს დღეები გაიმართება, ბილეთების გაყიდვიდან შემოული თანხა სრულად გადაირიცხება უკრაინის მხარდაჭერის ფონდში.
"5-8 მარტს, კინოთეატრი ამირანი, ქართველი კინომწარმოებლები და რეჟისორები წარმოგიდგენთ უკრაინის დღეებს ამირანში.
4 დღის განმავლობაში წარმოდგენილი იქნება 10 დოკუმენტური და მხატვრული ფილმი უკრაინის უახლესი ისტორიის შესახებ.
უკრაინის დღეების მთავარი გზავნილია სოლიდარობა უკრაინელ ხალხს, ხოლო ღონისძიების ფარგლებში, Ბილეთების გაყიდვიდან შემოსული თანხა სრულად გადაირიცხება უკრაინის მხარდაჭერის ფონდში.
უკრაინის დღეების ფარგლებში ნაჩვენები იქნება შემდეგი ფილმები: ატლანტისი, ცუდი გზები, სახლისკენ, გამოკვეთილი ნიშნების გარეშე, ალისა ომის სამყაროში, ყველაფერი ცეცხლში, ვართა1, ბედნიერი წლები, ძაღლების შორეული ყეფა. მაყურებლები შეიტყობენ ყველაფერს მაიდნის რევოლუციის, რუსეთის მიერ უკრაინის ტერიტორიების ოკუპაციის შესახებ და საკუთარ წვლილს შეიტანენ გმირი უკრაინელი ხალხის მხარდასაჭერად.
უკრაინის დღეების პროგრამის კურატორია უკრაინელი რეჟისორი, ტატიანა კონონენკო". – წერია ამირანის პოსტში.
რუსეთმა უკრაინაზე სრულმასშტაბიანი თავდასხმა 24 თებერვალს გამთენიისას, ერთდროულად რამდენიმე დიდი ქალაქის, მათ შორის კიევის დაბომბვით დაიწყო.
ქალაქების დაბომბვამდე სულ რაღაც 20 წუთით ადრე რუსეთის პრეზიდენტმა, ვლადიმირ პუტინმა უკრაინას ომი ვიდეომიმართვით ოფიციალურად გამოუცხადა.
