ბოკერია: ვინც ამბობს, რომ შეიძლება დაულაგდე რუსეთს და ასე გაძვრე, ის ღალატობს საქართველოს

ჩვენი ვალია, სანამ ეს სამარცხვინო მთავრობა გვყავს, რომელიც ჩვენს ეროვნულ ინტერესებს არ იცავს, არც მორალურად და არც პრაგმატულად, ჩვენ ჩვენი პოზიცია გამოვხატოთ. ეს, სამწუხაროდ, ვერ შეცვლის რეალობას, მაგრამ ეს ტრაგედია იმაშიც უნდა გამოვიყენოთ, რომ ყველა ნორმალური მოქალაქე, ვინც შეცდომაში ჰყავდა შეყვანილი პუტინის პროპაგანდას, მათ შორის ამ მთავრობის სამარცხვინო პროპაგანდას, რომ თურმე შეიძლება დაულაგდე რუსეთს, ჩაუწვე და ასე გავძვრებით, ხალხო ომი ხომ არ გინდა - უსინდისოდ გატყუებდნენ. პუტინის სამიზნეა ჩვენი ნორმალური ცხოვრების არდაშვება და ვინც გვეუბნება, რომ მოდით შევეგუოთ, რომ ჭაობში ვიყოთ, ჩვენ შვილებს იტაცებდნენ, გიწევდნენ საოკუპაციო ხაზს, კლავდნენ, აწამებდნენ და აქ ჭაობში ვიყოთ, აი ის ღალატობს საქართველოს მომავალს, ეს გზავნილი უნდა მივიტანოთ.