ვალუტის კურსი

ლარი უფასურდება – Bloomberg-ის სისტემაში ერთი დოლარი ისევ 3 ლარზე მეტი ღირს

საერთაშორისო სავალუტო ბირჟაზე 15 თებერვალს ვაჭრობა ეროვნული ვალუტის გაუფასურებით და დოლარის გამყარებით დაიწყო.

Bloomberg-ის სისტემაში ერთი ამერიკული დოლარის გაცვლითი კურსი ისევ ასცდა 3-ლარიან ნიშნულს და 14:00 საათზე ერთი დოლარი 3.0175 ლარად ივაჭრება.

დღეს მოქმედი ოფიციალური გაცვლითი კურსით დოლარის ღირებულება 2.9687 ლარს შეადგენს, ახალ გაცვლით კურსს კი საქართველოს ეროვნული ბანკი 17:00 საათზე გამოაქვეყნებს.

თიბისი კაპიტალი ეროვნული ვალუტის ამჟამინდელ გაცვლით კურსს ზომიერად ოპტიმისტურს უწოდებს და სამომავლოდ მის გაუფასურებას უფრო მეტად პროგნოზირებს, ვიდრე ლარის კიდევ უფრო მეტად გამყარებას. 

"ლარის მიმართ სენტიმენტებისა და წმინდა შემოდინების გაძლიერების შემთხვევაშიც კი, ჩვენი აზრით, ლარის შემდგომი გამყარება ნაკლებად სავარაუდოა, რადგანაც ამ სცენარში ვფიქრობთ, რომ ეროვნული ბანკი უფრო მეტ რეზერვს შეისყიდის. 

ლარის მიმდინარე კურსი ზომიერად ოპტიმისტურია და სამომავლოდ მისი ან დაახლოებით იმავე დონეზე შენარჩუნება ან გარკვეული დასუსტებაა უფრო მოსალოდნელი, ვიდრე გამყარების ბოლო პერიოდში არსებული დინამიკის გაგრძელება". – წერია TBC CAPITAL-ის ანგარიშში. 

ანალიტიკოსების შეფასებით, ლარის მიმდინარე გამყარება მკაცრი მონეტარული პოლიტიკის, გაძლიერებული წმინდა სავალუტო შემოსავლებისა და თავად ლარის სტაბილურობის შედეგია, რადგანაც ხშირად სწორედ თავად დოლარი-ლარის კურსი განსაზღვრავს მოლოდინებს. 

კომენტარები