ციციშვილის კლინიკაში კორონავირუსით 4 თვის ჩვილი გარდაიცვალა - ამის შესახებ ტაბულას ინფორმაცია კლინიკის სამედიცინო დირექტორმა, მაია ჩხაიძემ დაუდასტურა.
მისი თქმით, ჩვილი ციციშვილის კლინიკაში სხვა საავადმყოფოდან ძალიან მძიმე მდგომარეობაში გადაიყვანეს და მას თანმდევი დაავადება - გულის მანკი ჰქონდა.
დღეს, 5 იანვარს, საქართველოში კორონავირუსით კიდევ 32 ადამიანი გარდაიცვალა, დადასტურდა 3 436 ახალი შემთხვევა.
