მიხეილ სააკაშვილის უკრაინელი ადვოკატი, ევგენი გრუშოვეცი თბილისის აეროპორტში არ შემოუშვეს და ის უკრაინაში გააბრუნეს. ამის შესახებ ადვოკატი Facebook-ზე წერს.
"ქართული სტუმართმოყვარეობა საკუთარ თავზე გამოვცადე.
თბილისის აეროპორტში არ შემიშვეს, მიზეზი არ აუხსნიათ. გამომართვეს პასპორტი, გადასცეს ის ეკიპაჟის მეთაურს. მე ავუხსენი, რომ მიხეილ სააკაშვილთან ჩამოვედი, თუმცა, სამწუხაროდ, ვბრუნდები უკრაინაში". - წერს გრუშოვეცი.
საქართველოს მესამე პრეზიდენტი, მიხეილ სააკაშვილი დაკავების დღიდან, უკვე 26-ე დღეა რუსთავის N12 პენიტენციურ დაწესებულებაში პროტესტის ნიშნად შიმშილობს. მიხეილ სააკაშვილი თბილისში 1 ოქტომბერს დააკავეს.
