4 ოქტომბერს, 15:00 საათზე რუსთავის ციხესთან აქცია გაიმართება სახელწოდებით – "თავისუფლება მიშას!" ინფორმაციას ერთიანი ნაციონალური მოძრაობის თავმჯდომარე და თბილისში ოპოზიციის ნაწილის საერთო მერობის კანდიდატი, ნიკა მელია ავრცელებს.
2 ოქტომბერს, მიხეილ სააკაშვილი თბილისში დააკავეს. იქამდე შსს-მ გაავრცელა განცხადება, სადაც წერდა, რომ მიხეილ სააკაშვილს საქართველოს საზღვარი არ გადმოუკვეთავს.
1 ოქტომბერს დილით საქართველოს მესამე პრეზიდენტმა, მიხეილ სააკაშვილმა დაწერა, რომ ის საქართველოში იმყოფება. მოგვიანებით მან ზედიზედ ორი სელფი ვიდეო გამოაქვეყნა, სადაც ამბობდა, რომ ბათუმში იყო.
